កាលពីប៉ុន្មានថ្ងៃមុន មន្ត្រីអាជ្ញាធរបានឱ្យដឹងថា ទំនិញស្ករសដែលដឹកចេញពីកំពង់ផែក្រុងព្រះសីហនុ ឆ្លងកាត់ខេត្តក្រចេះនាពេលថ្មីៗនេះ មិនមែនសម្រាប់យកមកលក់នៅលើទីផ្សារស្រុកខ្មែរយើងនោះទេ។ ទំនិញទាំងនេះនាំចូលតាមផ្លូវសមុទ្រ ដោយមានឯកសាររត់ការត្រឹមត្រូវ និងបានបង់ពន្ធជូនរដ្ឋរួចរាល់តាមច្បាប់ទាំងអស់។
ខាងរដ្ឋាភិបាលមិនទាន់មានបម្រាមហាមឃាត់ការនាំចូលស្ករសទាំងស្រុងនោះទេ ជាពិសេសទំនិញដែលនាំចូលតាមផ្លូវសមុទ្រ និងផ្លូវអាកាស។ ស្ករសទាំងនេះគ្រាន់តែជាទំនិញដឹកឆ្លងកាត់ដែនដីប៉ុណ្ណោះ មិនត្រូវអនុញ្ញាតឱ្យយកមកចរាចរណ៍លើទីផ្សារក្នុងស្រុកឡើយ។ ប្រព័ន្ធផ្សព្វផ្សាយក្នុងស្រុកបានឱ្យដឹងថា ទំនិញដែលរដ្ឋាហាមឃាត់មិនឱ្យនាំចូល មានដូចជាឈើ និងប្រេងឥន្ធនៈមួយចំនួន ប៉ុន្តែស្ករសមិនស្ថិតនៅក្នុងបញ្ជីហាមឃាត់នោះទេ។
សម្រាប់អ្នករកស៊ី និងអាជីវករវិញ នៅតែអាចនាំចូលទំនិញផ្សេងៗបានជាធម្មតា ឱ្យតែមានឯកសារស្នាមត្រឹមត្រូវតាមច្បាប់។ មន្ត្រីដដែលបានសង្កត់ធ្ងន់ថា រាល់សកម្មភាពដឹកជញ្ជូន និងការធ្វើជំនួញទាំងអស់ គឺស្ថិតក្រោមការត្រួតពិនិត្យយ៉ាងម៉ឺងម៉ាត់បំផុត ដើម្បីធានាបាននូវភាពស្របច្បាប់ និងតម្លាភាព។
