អភិបាលរាជធានីភ្នំពេញ លោក ឃួង ស្រេង កាលពីពេលថ្មីៗនេះ បានចេញមុខអំពាវនាវ និងលើកទឹកចិត្តឲ្យអ្នកវិនិយោគបរទេសចូលមកបោះទុនរកស៊ីនៅរាជធានីភ្នំពេញឲ្យបានកាន់តែច្រើន។ ប៉ុន្តែលោកអភិបាលក៏បានបញ្ជាក់ច្បាស់ៗដែរថា ការវិនិយោគទាំងនោះត្រូវតែធ្វើឡើងឲ្យត្រឹមត្រូវតាមច្បាប់ទម្លាប់ និងរៀបចំរដ្ធបាលឯកសារឲ្យបានស្អាតបាត។
បើតាមការលើកឡើងរបស់មន្ត្រីអាជ្ញាធរ ឱ្យតែជាទុន និងគម្រោងវិនិយោគដែលត្រឹមត្រូវតាមច្បាប់ នោះវានឹងជួយជំរុញកំណើនសេដ្ឋកិច្ចកម្ពុជាទាំងមូលយ៉ាងពិតប្រាកដ ហើយថែមទាំងជួយរុញច្រានវិស័យទេសចរណ៍ក្នុងស្រុកឲ្យកាន់តែមានស្ទុះថែមទៀតផង ដែលរឿងនេះត្រូវបានសារព័ត៌មានក្នុងស្រុកយកទៅចុះផ្សាយផងដែរ។
ពេលដើរកម្សាន្តតាមដងផ្លូវក្នុងក្រុងភ្នំពេញ មើលទៅក្បួនម៉ូតូបើកឆ្លងកាត់ប្រជែងគ្នា និងតូបតែតូបកាហ្វេក្តៅៗតាមចិញ្ចើមផ្លូវ គេអាចដឹងយ៉ាងច្បាស់ថា មនុស្សម្នានៅទីនេះកំពុងតែខិតខំរករកស៊ី និងស្វែងរកឱកាសរៀងៗខ្លួន។ ឲ្យតែជាប្រាក់ទុនដែលចូលមកដោយត្រឹមត្រូវ និងស្អាតស្អំ ប្រជាជននៅទីនេះពិតជាស្វាគមន៍ជានិច្ច ព្រោះទាល់តែមានការវិនិយោគ ទើបមានការងារធ្វើ ហើយជំនួញជួញដូរនៅតាមដងផ្លូវក៏អាចកម្រើកដើរទៅមុខបានល្អឡើងវិញដែរ។
