មុននេះបន្តិច នៅក្រុងព្រះសីហនុ មានការភ្ញាក់ផ្អើលយ៉ាងខ្លាំង បន្ទាប់ពីកម្លាំងសមត្ថកិច្ចបានបើកប្រតិបត្តិការចូលបង្ក្រាប និងឃាត់ខ្លួនមនុស្សមួយក្រុមនៅក្នុងអាផាតមិនមួយកន្លែង។ ពេលនេះ បរិយាកាសនៅខាងក្រោមអគារមានភាពតានតឹងមែនទែន សូម្បីតែអ្នកកំពុងអង្គុយហូបអីតាមចិញ្ចើមផ្លូវហុយទ្រលោម ក៏នាំគ្នាងាកមើលស្ទើរគ្រប់គ្នាដែរ។
ក្រោយឃាត់ខ្លួនមនុស្សបានមួយចំនួន សមត្ថកិច្ចមិនទាន់ចាកចេញទៅណានៅឡើយទេ ដោយកំពុងអង្គុយឆែកមើលកាមេរ៉ាសុវត្ថិភាពរបស់អគារយ៉ាងល្អិតល្អន់ ដើម្បីតាមដានសកម្មភាពចេញចូលរបស់អ្នកពាក់ព័ន្ធ ថាពួកគេចូលមកពេលណា ហើយចេញទៅវិញជាមួយអ្នកណាខ្លះ។ ការធ្វើបែបនេះ គឺដើម្បីតាមស្រាវជ្រាវស្វែងរកចាប់ខ្លួនបក្សពួកដែលកំពុងរត់គេចខ្លួនបន្ថែមទៀត។
ធម្មតា នៅតំបន់បន្ទប់ជួល ឬអាផាតមិននៅកំពង់សោម មនុស្សម្នាចេញចូលច្រើនញ៉ញ៉ៃ ដល់ពេលមានរឿងម្ដងៗ ធ្វើឲ្យអ្នកនៅម្ដុំនោះភ័យអ៊អរតាមៗគ្នា។ បងប្អូនដែលជួលផ្ទះនៅជិតនោះ ឬអ្នកត្រូវធ្វើការវេនយប់ រយៈពេលពីរថ្ងៃនេះដើរផ្លូវយប់ថ្មើរថ្មី សូមបង្កើនការប្រុងប្រយ័ត្នឲ្យបានខ្ពស់ ឃើញគេចោមរោមអីកុំចង់ដឹងចង់ឃើញអី សុវត្ថិភាពខ្លួនឯងគឺសំខាន់បំផុតហើយ។
