រឿងបង្រ្កាបបទល្មើសឆបោកហ្នឹង ឥឡូវកំពុងល្បីសុះសាយពេញស្រុកតែម្ដង។ គេបង្ហោះពេញហ្វេសប៊ុក ពេញអី ថាជាប់ពាក់ព័ន្ធដល់ទៅ ៤៦ ប្រទេសឯណោះ ឮហើយព្រឺសម្បុរ។ តែថា ៤៦ ប្រទេសហ្នឹង មានប្រទេសណាខ្លះ គេអត់ទាន់ឃើញមានបញ្ជីផ្លូវការចេញមកទេ គឺសុទ្ធតែឮតៗគ្នា។ តែទោះជាយ៉ាងណា កម្លាំងបង្រ្កាបហ្នឹង កំពុងតែខ្លាំងឡើងៗហើយ។
នៅខាងយើងនេះ ជាពិសេសនៅភ្នំពេញ ការបង្រ្កាបបទល្មើសឆបោកហ្នឹង ពិតជាខ្លាំងមែនទែន។ ប៉ូលិសដើរល្បាតតាមផ្លូវក៏ច្រើនដែរ។ ពួកអ្នករកស៊ីប្រផេះៗពីមុន ឥឡូវគេលែងហ៊ានធ្វើអីផ្ដេសផ្ដាសហើយ ខ្លះក៏រត់បាត់ទៅហើយ។ ពីមុនធ្លាប់តែមានអ្នកចាយវាយច្រើន ឥឡូវលែងសូវមានហើយ សូម្បីតែតូបលក់ម្ហូបតាមផ្លូវក៏លក់មិនដាច់ដែរ អ្នកចេញមកញ៉ាំអីពេលយប់ក៏ថយចុះច្រើន។
អីចឹងទៅ អ្នកស្រុកយើង ជាពិសេសអ្នកដែលធ្លាប់រកស៊ីរត់ម៉ូតូឌុប រត់តាក់ស៊ី ឬធ្វើការងារតូចតាច គឺពិបាកណាស់។ ការងារក៏កម្រស្រាប់ហើយ ឥឡូវកាន់តែពិបាករកថែមទៀត។ យុវជនជាច្រើន ជិតដល់ថ្ងៃបង់ថ្លៃផ្ទះជួលហើយ តែអត់លុយបង់។ ជិះម៉ូតូហិតផ្សែងឡាន ផ្សែងម៉ូតូតាមផ្លូវ រាល់ថ្ងៃ មានតែទុក្ខក្នុងចិត្ត។ អ្នកណាក៏និយាយដែរថា មិនដឹងពេលណាទើបជីវភាពធូរស្រាលវិញទេ? ចំណែកពួកអ្នកដែលធ្លាប់ធ្វើការនៅ 'បន' ឬ 'អគារ' ធំៗពីមុន ឥឡូវក៏ត្រូវប្រយ័ត្នប្រយែងដែរ ព្រោះខាងនេះគេរឹតបន្តឹងខ្លាំងណាស់។
