នៅតំបន់បាវិត 园区 (សួនឧស្សាហកម្ម/អគារក្រុមហ៊ុន) មួយចំនួនដែលធ្លាប់ត្រូវគេបិទបាំង ឥឡូវបានក្លាយជាអគារខ្សោះគ្មានមនុស្សមើលថែ។ ថ្មីៗនេះ ប្រជាពលរដ្ឋនៅមូលដ្ឋានឃើញមានសភាពខុសប្រក្រតី ក៏រាយការណ៍ជូនសមត្ថកិច្ចភ្លាមៗ។ ភ្លាមនោះ នគរបាលក្រុងបាវិតបានចុះទៅដល់ទីតាំង និងបានឃាត់ខ្លួនបុរសជនជាតិខ្មែរចំនួន ៥នាក់ កំពុងកាត់ខ្សែភ្លើង និងលើកសម្ភារចេញពីអគារទំនេរនោះ។ ក្នុងចំណោមនោះ មាន ៣នាក់ធ្លាប់មានប្រវត្តិឧក្រិដ្ឋកម្មរួចមកហើយ ដែលមើលទៅដូចជាពួកអាជីពឆ្លៀតឱកាសមកធ្វើសកម្មភាពសារជាថ្មី។
សមត្ថកិច្ចបានរកឃើញវត្ថុតាងជាច្រើននៅនឹងកន្លែងកើតហេតុ រួមមាន កន្ត្រៃកាត់ខ្សែភ្លើង ឡាមកាំបិត ស្មាច់ញញួរ ព្រមទាំងទូរស័ព្ទដៃជាច្រើនគ្រឿង និងម៉ូតូ ៣គ្រឿង។ បន្ថែមពីលើខ្សែភ្លើងដែលលួចបាន នៅតាមជ្រុងអគារនោះ សមត្ថកិច្ចក៏បានរកឃើញថង់សង្ស័យជាសារធាតុញៀនចំនួន ១០ថង់ និងសម្ភារសម្រាប់ប្រើប្រាស់គ្រឿងញៀនផងដែរ។ ពេលយកទៅពិនិត្យទឹកនោមនៅអធិការដ្ឋាន ជនទាំង ៥នាក់នេះសុទ្ធតែមានប្រតិកម្មវិជ្ជមាន ដែលសុទ្ធសឹងតែជាអ្នកប្រើប្រាស់គ្រឿងញៀនជោកជាំ។
តាមពិតទៅ 园区 ដែលត្រូវបិទទាំងនោះ គឺស្ថិតក្រោមការគ្រប់គ្រងរបស់រដ្ឋយូរណាស់មកហើយ ដូច្នេះរាល់សម្ភារដែលនៅសល់ក្នុងនោះក៏ជាទ្រព្យសម្បត្តិរបស់រដ្ឋដែរ។ ពួកនេះពិតជាហ៊ានមែន ហ៊ានចូលទៅក្នុងអគារបិទជិតដើម្បីកាត់ខ្សែភ្លើងយកទៅលក់យកលុយ។ បច្ចុប្បន្ន ជនសង្ស័យទាំងនោះរួមទាំងវត្ថុតាងត្រូវបានបញ្ជូនទៅកាន់ស្ថាប័នមានសមត្ថកិច្ច ដើម្បីចាត់ការតាមផ្លូវច្បាប់។
