នគរបាលក្រុងហាយផុង បានចេញសេចក្តីជូនដំណឹងមួយកាលពីថ្ងៃទី៨ ខែកញ្ញា ឲ្យដឹងថា ក្នុងអំឡុងថ្ងៃទី៤ និងទី៥ ខែកញ្ញា កម្លាំងសមត្ថកិច្ចបានបើកប្រតិបត្តិការជាប់ៗគ្នា ដោយបានតាមប្រមាញ់ និងចាប់ខ្លួនជនជាតិចិនពីរនាក់ ដែលកំពុងត្រូវប៉ូលិសចិនតាមចាប់ខ្លួន។ គេចខ្លួនមកដល់ហាយផុងហើយាតែចុងក្រោយក៏នៅតែរត់មិនរួចដដែល។
ជនសង្ស័យទាំងពីរនាក់ដែលត្រូវឃាត់ខ្លួននោះ ម្នាក់ឈ្មោះ ចិន លៀង (Chen Liang) អាយុ ៤៤ឆ្នាំ ពាក់ព័ន្ធនឹងបទល្មើសបោកប្រាស់ និងម្នាក់ទៀតឈ្មោះ ហឺ យុងជុន (He Yongjun) អាយុ ៤៨ឆ្នាំ ពាក់ព័ន្ធនឹងការរៀបចំ និងបើកល្បែងស៊ីសងខុសច្បាប់។ ឥឡូវនេះ ជនទាំងពីរនាក់ត្រូវបានបញ្ជូនឱ្យទៅក្រសួងសន្តិសុខសាធារណៈវៀតណាម ដើម្បីចាត់ការតាមនីតិវិធីបន្តហើយ។
និយាយទៅ រឿងបែបនេះមិនមែនទើបតែកើតឡើងជាលើកដំបូងទេ។ នាយកដ្ឋាននគរបាលអន្តោប្រវេសន៍ក្រុងហាយផុង បានបង្ហើបថា ត្រឹមតែក្នុងត្រីមាសទី៣ ឆ្នាំ២០២៦ នេះ ប៉ូលិសមូលដ្ឋានបានចាប់ខ្លួនជនជាតិចិនជាប់ទោសទណ្ឌចំនួន ៤នាក់រួចមកហើយ។ មើលពីខាងក្រៅ តាមដងផ្លូវហាក់ដូចជាស្ងប់ស្ងាត់ធម្មតាទេ ប៉ុន្តែការពិតការត្រួតពិនិត្យគឺរឹតបន្តឹងខ្លាំងណាស់។
