នៅក្នុងកិច្ចប្រជុំមួយនៅទីក្រុងជេនេវ៉ា ថ្ងៃទី 16 ខែកញ្ញា តំណាងកម្ពុជា បាននិយាយថា ការប៉ះទង្គិចនៅតំបន់ព្រំដែនកាលពីឆ្នាំមុន បានធ្វើឲ្យស្រ្តី និងកុមារច្រើនពាន់នាក់គ្មានទីស្រក់ក្បាល ហើយពេលនេះពួកគេនៅមិនទាន់អាចត្រឡប់ទៅផ្ទះវិញបាន។
តំណាងនេះបានលើកឡើងថា ការប៉ះទង្គិចដោយអាវុធមិនត្រឹមតែបណ្តាលឲ្យមានការបាត់បង់ជីវិតប៉ុណ្ណោះទេ ប៉ុន្តែវាក៏ធ្វើឲ្យមនុស្សជាច្រើនគ្មានផ្ទះសម្បែងរស់នៅ ជីវិតមិនមានសន្តិសុខ ហើយស្ថាប័នមូលដ្ឋានត្រូវបានបំផ្លាញ ការអប់រំ សុខាភិបាល និងជីវភាពរបស់ប្រជាជនក៏ទទួលរងផលប៉ះពាល់ផងដែរ។
គាត់បាននិយាយថា បច្ចុប្បន្ននេះមានប្រជាជនកម្ពុជាជាង 20,000 នាក់ រួមមានស្រ្តីជាង 9,400 នាក់ និងកុមារជាង 6,000 នាក់ ត្រូវបានគេបង្ខំឲ្យចាកចេញពីផ្ទះ ដោយសារតែទាហានថៃបានចូលកាន់កាប់ដីកម្ពុជា។
គាត់ក៏បានបញ្ជាក់ថា កងទ័ពថៃបានប្រើគ្រាប់បែកប្រភេទមួយដែលធ្វើឲ្យតំបន់ជាច្រើនមិនមានសុវត្ថិភាព។ បន្ទាប់ពីការប៉ះទង្គិចនៅតំបន់ព្រំដែន ការស្រាវជ្រាវបានរកឃើញថា មានដីប្រមាណ 4,000 គីឡូម៉ែត្រការ៉េនៅខេត្ត 7 ត្រូវបានប៉ះពាល់ ហើយក្នុងនោះមានជិត 3,000 គីឡូម៉ែត្រការ៉េត្រូវបានគ្រាប់បែកប្រភេទនោះបំផ្លាញ។
គ្រាប់បែកដែលមិនទាន់ផ្ទុះទាំងនេះ មិនត្រឹមតែធ្វើឲ្យអ្នកដែលគ្មានទីស្រក់ក្បាលមិនអាចត្រឡប់ទៅវិញបានដោយសុវត្ថិភាពទេ ប៉ុន្តែវានៅតែបន្តគំរាមកំហែងដល់ប្រជាជនស៊ីវិល ជាពិសេសស្រ្តី និងកុមារ ហើយវាមានឥទ្ធិពលយូរអង្វែងដល់ជំនាន់ក្រោយៗ។
គាត់បានបញ្ជាក់ថា កម្ពុជាប្តេជ្ញាដើម្បីគោរពច្បាប់អន្តរជាតិ និងច្បាប់មនុស្សធម៌យ៉ាងពេញលេញ ដោយជឿជាក់ថាវាមានសារៈសំខាន់ក្នុងការពារប្រជាជនស៊ីវិលពីឥទ្ធិពលនៃសង្គ្រាម។
