សប្តាហ៍ក្រោយនេះ នៅប្រាសាទអង្គរវត្ត នឹងមានឱកាសមួយដែលគេហៅថា "ថ្ងៃយប់ស្មើ"។ គឺពេលដែលថ្ងៃនិងយប់វែងស្មើគ្នា ហើយព្រះអាទិត្យនឹងបញ្ចាំងត្រង់កណ្តាលប្រាសាទអង្គរវត្ត។ វាពិតជាស្រស់ស្អាតណាស់។
តែអ្វីដែលគួរឲ្យចាប់អារម្មណ៍គឺ វាមិនមែនត្រឹមតែស្អាតប៉ុណ្ណោះទេ វាជាការបង្ហាញពីបច្ចេកវិទ្យា និងប្រាជ្ញារបស់បុព្វបុរសខ្មែរ ក្នុងវិស័យខាងតារាសាស្ត្រ គណិតវិទ្យា និងសំណង់។
ព្រឹត្តិការណ៍នេះនឹងប្រព្រឹត្តទៅចាប់ពីថ្ងៃទី 21 ដល់ 23 ខែកញ្ញា ឆ្នាំ 2026 ហើយពេលល្អបំផុតក្នុងការមើលគឺនៅព្រឹកថ្ងៃទី 22 ចាប់ពីម៉ោង 6:15 ដល់ 6:45 នាទី។ មានភ្ញៀវទេសចរជាច្រើនទាំងក្នុងស្រុក និងអន្តរជាតិ គ្រោងទៅខេត្តសៀមរាប ដើម្បីឃើញឱកាសដ៏កម្រនេះដោយផ្ទាល់។
មានមន្ត្រីមួយចំនួនបានរំលឹកថា ពេលទៅទស្សនា គួរតែស្លៀកពាក់ឲ្យសមរម្យ និងគោរពតាម "ក្រមសីលធម៌អង្គរ" ដើម្បីបង្ហាញការគោរពចំពោះបេតិកភណ្ឌពិភពលោកនេះ។
