មានក្មេងៗ២-៣នាក់មកពីទីក្រុងឈ្វាន់ចូវ (Quanzhou) បានគិតថា ដើរតាមបងៗធំទៅរកស៊ីក្រៅប្រទេសនឹងបានផលចំណេញច្រើន តែពេលចេញផុតពីផ្ទះភ្លាម ស្រាប់តែធ្លាក់ចូលក្នុងរូងខ្លាទៅវិញ។ ក្នុងចំណោមនោះ មានម្នាក់មានឪពុកកំពុងឈឺជំងឺមហារីក និងម្នាក់ទៀតទើបតែចេញពីកងទ័ពមិនយូរប៉ុន្មាន ដែលសុទ្ធសទ្ធាជាសសរទ្រូងរំពឹងរកលុយមកជួយដោះស្រាយជីវភាពគ្រួសារ។ មិននឹកស្មានថា ពេលចុះដល់ព្រលានយន្តហោះសៀមែន (Xiamen) ហើយបន្តជើងហោះហើរទៅប្រទេសថៃ មិនទាន់បាន២៤ម៉ោងស្រួលបួលផង ក្រុមគ្រួសារក៏ទទួលបានវីដេអូរត់ទារប្រាក់ពីក្រុមឧក្រិដ្ឋជន។
នៅក្នុងវីដេអូនោះ ពួកវាទារលុយសុទ្ធចំនួន ៤ម៉ឺនដុល្លារក្នុងមនុស្សម្នាក់ ដែលចំនួនទឹកប្រាក់នេះជាកម្រិតមួយដែលគ្រួសារធម្មតាមិនអាចរកបានទេ។ អ្នកជិតខាងពេលដືងរឿងនេះនាំគ្នាដកដង្ហើមធំគ្រប់ៗគ្នា ដោយនិយាយថា សម័យនេះហេតុអ្វីបានជាមានមនុស្សហ៊ានបោកប្រាស់សូម្បីតែប្អូនៗដែលទុកចិត្តលើខ្លួនទៅវិញ។ ក្រុមគ្រួសារមានការបារម្ភយ៉ាងខ្លាំង រហូតដល់រត់ទៅរកអាបងធំដែលនាំមុខគេនោះ តែបែរជាត្រូវគេធ្វើព្រងើយកន្តើយដាក់ រហូតមកដល់ពេលនេះក៏មិនទាន់មានដំណោះស្រាយសមស្របណាមួយដែរ ដោយទុកឱ្យមនុស្សត្រូវធ្លាក់ទៅវេទនាដល់ទីក្រុងមីយ៉ាវ៉ាឌី (Myawaddy) ទៅវិញ។
អាកាសធាតុនៅទីនោះក្តៅអាប់អួរខ្លាំងណាស់ ហើយផ្សែងម៉ូតូតាមផ្លូវក៏ហុយទ្រលោម ប៉ុន្តែអារម្មណ៍របស់ក្រុមគ្រួសារជនរងគ្រោះគឺកាន់តែត្រជាក់ស្រេបទៅទៀត។ ឥឡូវនេះ សាច់ញាតិមានការខឹងសម្បាយ៉ាងខ្លាំងរហូតដល់ឡើងភ្នែកក្រហមអស់ហើយ ដោយបានព្រមានថា បើមិនអាចជួយសង្គ្រោះមនុស្សឱ្យត្រឡប់មកវិញទេ ពួកគេនឹងគិតគូរជាមួយរឿងនេះឱ្យដល់ទីបញ្ចប់។ ការចេញទៅរកស៊ីឆ្ងាយពីផ្ទះ គឺពិតជាមិនអាចផ្ដល់ទំនុកចិត្តខុសកន្លែងបានឡើយ ព្រោះបើភ្លាត់ស្នៀតខុសតែមួយជំហាន គឺត្រូវបាត់បង់ទាំងអាយុជីវិត និងសេរីភាពតែម្ដង។
