ខាងអន្តោប្រវេសន៍នៅអ៊ីស្លាម៉ាបាដ គេប្រាប់ឲ្យពួកយើងទិញសំបុត្រយន្តហោះចេញទៅវិញក្នុងរយៈពេល ១៥ ថ្ងៃ ឥឡូវពេលវេលាមិនសូវមានប៉ុន្មានទេ តែពួកយើងជាង ១០ នាក់ ដែលជាបងប្អូនរួមស្រុកជាមួយគ្នា គ្មានអ្នកណាចង់ទៅណាទេ ផ្ទុយទៅវិញ គឺទៅធ្វើការនៅកន្លែងថ្មីរបស់ក្រុមហ៊ុនចាស់ដដែល។
កាលគេចាប់បាននោះ ពួកយើងភ័យស្លន់ស្លោរណាស់ គិតថាទើបមកបានប៉ុន្មានខែសោះ ត្រូវគេបណ្ដេញចេញទៅវិញហើយ ពិតជាសំណាងអាក្រក់មែន។ តែមិននឹកស្មានថា រដ្ឋាភិបាលបែរជាដោះលែងពួកយើងឲ្យចេញមកវិញ ហើយឲ្យពួកយើងចាកចេញពីប្រទេសដោយខ្លួនឯងសោះ។ ជនជាតិចិនដែលគេដោះលែងឲ្យចេញមកវិញ មានជាង ២០០ នាក់ឯណោះ ហើយភាគច្រើនគឺអត់ចង់ទៅណាទេ ព្រោះនៅទីនេះ ក្រុមហ៊ុនជាច្រើននៅតែត្រូវការមនុស្សធ្វើការ។
ពួកយើងទាំងអស់គ្នាបានមកដល់ប៉ាគីស្ថានតាំងពីឆ្នាំ ២០២៦ មកម្ល៉េះ ហើយនៅអ៊ីស្លាម៉ាបាដ ក៏អត់មានប្រវត្តិអីមិនល្អដែរ។ ទោះបីជាភាគច្រើនជាទិដ្ឋាការទេសចរណ៍ ឬពាណិជ្ជកម្មក៏ដោយ ក៏ពួកយើងបានបន្តទិដ្ឋាការ និងបង់លុយត្រឹមត្រូវអស់ហើយ។ ឥឡូវនេះ ក្រុមហ៊ុនបានរៀបចំឲ្យពួកយើងទៅនៅផ្ទះវីឡាដែលឆ្ងាយពីទីក្រុង ដើម្បីកុំឲ្យគេចាប់បានម្ដងទៀត។ ១៥ ថ្ងៃទៀតនឹងទៅជាយ៉ាងណា គ្មានអ្នកណាដឹងទេ តែរឿងរកលុយគឺសំខាន់ជាងគេ។ ល្បីថា ឲ្យតែមិនធ្វើការនៅអគារធំៗក្នុងអ៊ីស្លាម៉ាបាដ គឺសុវត្ថិភាពហើយ។ បើពិតជាទៅមុខលែងរួចមែន ក៏អាចលួចឆ្លងដែនទៅឥណ្ឌាដើម្បីបន្តធ្វើការបានដែរ។
