រសៀលថ្ងៃនេះ នៅក្បែរសណ្ឋាគារ ណូបែល (Nobel) ស្រាប់តែមានភាពអ៊ូអរខុសប្រក្រតី។ សមត្ថកិច្ចបានចុះត្រួតពិនិត្យបន្ទប់ផ្ទាល់ ដោយបានឃាត់ខ្លួនបុរសជនជាតិចិនចំនួន ៣នាក់ និងស្ត្រីម្នាក់ ចាប់យកទូរសព្ទដៃ និងកុំព្យទ័របរិមាណច្រើននៅនឹងកន្លែងកើតហេតុ ដែលមើលទៅហាក់ដូចជាករណីបង្រ្កាបក្រុមឧក្រិដ្ឋជនឆបោកតាមប្រព័ន្ធបច្ចេកវិទ្យា (ទូរគមនាគមន៍) ឬល្បែងស៊ីសងអនឡាញមួយទៀតហើយ។
តាមពិតទៅ ប៉ុន្មានឆ្នាំចុងក្រោយនេះ ការបង្ក្រាបរឿងបែបនេះនៅរាជធានីភ្នំពេញ គឺជារឿងធម្មតាទៅហើយ។ អ្នកជិតខាងនៅទីនោះ ស៊ាំនឹងឈុតឆាកបែបនេះយូរណាស់មកហើយ រហូតដល់ពេលជិះម៉ូតូកាត់ក៏លែងចង់បន្ថយល្បឿនផង។ ម្ចាស់ផ្ទះជួលនៅតាមបុរី និងខុនដូមួយចំនួនឥឡូវនេះមានការប្រុងប្រយ័ត្នខ្លាំងណាស់ ពេលឲ្យគេជួលផ្ទះ គឺសឹងតែសួរនាំប្រវត្តិរូបអស់ពីជំនាន់ ដើម្បីការពារក្រែងលោថ្ងៃណាមួយមានប៉ូលិសកាន់កាំភ្លើងមកគោះទ្វារ ហើយពាក់ព័ន្ធខ្លួនត្រូវហៅទៅសួរនាំដែរ។
ប្រព័ន្ធផ្សព្វផ្សាយក្នុងស្រុកបានឱ្យដឹងថា ប្រតិបត្តិការនេះគឺជាផ្នែកមួយនៃការបង្ក្រាបជាប្រចាំ។ ចំពោះសកម្មភាពលម្អិតជាក់ស្តែងយ៉ាងណានោះ គឺត្រូវរង់ចាំសេចក្តីប្រកាសផ្លូវការបន្តទៀតពីសមត្ថកិច្ច។ ប៉ុន្តែ អ្នកដែលរកស៊ីរស់នៅទីនេះសុទ្ធតែដឹងក្នុងចិត្តច្បាស់ថា មុខរបររកស៊ីងងឹតងងុលបែបនេះ កាន់តែមានហានិភ័យខ្លាំងឡើងៗ ហើយបើមិនប្រយ័ត្នទេ ថ្ងៃណាមួយសូម្បីតែពេលគេងក៏គេងមិនបានស្ងប់ដែរ។
