ពួកយើងមួយក្រុមមានគ្នា ១៧ នាក់ បានរើចេញពីកំពង់សោមមកនៅខេត្តកែប កាលពីខែមីនា។ ពេលទើបតែមកដល់ដំបូងៗ ក្នុងចិត្តនៅភ័យៗអត់ទាន់ហ៊ានទុកចិត្តទេ មិនដឹងថាសុវត្ថិភាពនៅទីនេះ ធៀបនឹងនៅកំពង់សោម វាល្អប្រសើរជាងកម្រិតណាឡើយ។
ពួកយើងបានជួលផ្ទះវីឡាពីរខ្នងនៅជិតមាត់សមុទ្រ ទីតាំងរៀងដាច់ស្រយាលបន្តិច មនុស្សម្នាដើរកាត់ស្ទើរតែគ្មាន។ នៅក្នុងតំបន់នោះ សុទ្ធតែជាកន្លែងអ្នកមានស្រុកយើងរស់នៅ ហើយលេចឮថាមានផ្ទះរបស់មន្ត្រីធំៗទៀតផង។ ចំណែកម្ចាស់ផ្ទះវិញ មិនដែលឃើញមុខសោះ ប្រគល់ឱ្យខាងភ្នាក់ងារកណ្តាលជាអ្នកចាត់ចែងទាំងអស់ មើលទៅដូចជារៀងអាថ៌កំបាំងបន្តិច។
ប្រហែលកន្លះឆ្នាំមកនេះ នៅខេត្តកែប អាជ្ញាធរចាប់បានជនបរទេសពាក់ព័ន្ធរឿងឆបោកតាមអនឡាញជាច្រើននាក់ដែរ ប៉ុន្តែភាគច្រើនជានៅតំបន់ប្រជុំជនដែលមានមនុស្សអ៊ូអរ។ ដោយសារកន្លែងពួកយើងនៅវាដាច់ស្រយាល ទើបមិនដែលជួបការរំខានអីទេ។ កន្លងមក ប្រធានបានសួរថា តើគួរណែនាំឱ្យផ្នែកផ្សេងទៀតរើមកជួលផ្ទះនៅជិតៗនេះដែរទេ? តែគ្រប់គ្នាទាស់ចិត្តប្រកែកទាំងអស់ ព្រោះខ្លាចនាំរឿងស្មុគស្មាញមកដាក់ខ្លួន។
